www.raptisandesh.webs.com
राप्ती सन्देश डट वेब्स् डट कम

 रुकुम,बैशाख

 रुकुमको त्रिभुवन जनता उमाविले यस शैक्षिक सत्रमा लिएको विद्यार्थी शुल्क कक्षा ६ देखि कक्षा १२ सम्मका सम्पूर्ण दलित छात्रछात्राको शुल्क सोमवार एक कार्यक्रम गरी फिर्ता गरेको छ । उक्त विद्यालयको इतिहासमै विद्यार्थीहरुबाट लिइएको शुल्क फिर्ता गरेको यो पहिलो पटक हो । पूववर्ती सरकारले गरेको निर्णयानुसार सबै दलित विद्यार्थीलाई निःशुल्क शिक्षा हुनुपर्ने भन्दै दलित विद्यार्थीले संयुक्त दलित मञ्च गठन गरी चरणवद्ध आन्दोलन गरेपछि जिल्ला प्रशासन कार्यालयमा र्सवपक्षीय सहमतिअनुसार विद्यालयले शुल्क फिर्ता गरेको हो । कक्षा ६ देखि १२ मा अध्ययनरत २ सय ६ जना दलित विद्यार्थीहरुबाट लिएको करीब ३ लाख शुल्क फिर्ता गरिएको विद्यालयका प्राचार्य मीनबहादुर पुनले जानकारी दिनुभयो । विद्यालय चलाउनका लागि विद्यालयले लिने तथा सरकारले लिने सबै शुल्क फिर्ता दिएको उहा“ले बताउनुभयो । सबै विद्यार्थीको शुल्कबाट १० प्रतिशत शुल्क दलित छात्रछात्राको र्सवाङ्गीण विकासका लागि दलित अक्षयकोष खडा गर्ने दलित विद्यार्थीहरुले निर्णय गरेको संयुक्त दलित मञ्च रुकुमका अध्यक्ष लक्ष्मण विकले बताउनुभयो ।