www.raptisandesh.webs.com
राप्ती सन्देश डट वेब्स् डट कम

 दाङ लमही,बैशाख

बेला-४ निवासी २१ वर्षीय जम्मान गिरीले आइतवार राति आफ्नै बुवा ४१ वर्षीय हिरालाल गिरीको हत्या गरेका छन् । घरायसी विवादका कारण झैझगडा भएको र छोरा जम्मान गिरीले प्रहार गरेको लाठीबाट बुवा हिरालाल गिरीको मृत्यु भएको इलाका प्रहरी कार्यालय भालुवाङले जनाएको छ ।

आइतवार राति अन्दाजी १२ बजेको समयमा छोराको लाठी प्रहारबाट हिरालालको मृत्यु भएको र हत्याका आरोपित जम्मान गिरीलाई राति १ बजे प्रहरीले नियन्त्रणमा लिएको इप्रका भालुवाङले जनाएको छ । हत्यासम्बन्धी सबै कुरा नखुलेको र हत्याको अनुसन्धान भइरहेको इप्रका भालुवाङले जनाएको छ । मृतक गिरीको शव पोष्टमार्टमका लागि लमही स्वास्थ्य चौकीमा ल्याइएको प्रहरीले जनाएको छ ।